Pulwama Terrorist Attack ke karn aaj Jammu kashmir mein hue pardarshan ke baad karfyu, south kashmir mein mobile internet band aur bharat ne vapas liya pakistaan se MNF kaa darja.
Jammu & Shrinagar: Kashmir ghaati ke pulwama jile mein hua bhishan terrorist attack par vyaapak pradarshno aur hinsa ki chhitput ghatnaon ke baad ehatiyaati kadam ke taur par jammu sehar mein aaj yani friday ko karfyu laga diya gaya. Thursday ko hue phidaayin hamle mein CRPF ke 42 Jawans (Soldiers) shahid ho gaye. Adhikaariyon ne bataya ki Army ne kaanun evan vyavasthaa ki sthiti banaye rakhne mein prshasan ki madad karne ka anurodh kiya aur flag march kiya.
PM Modi Government
Government ne T.V Channels ko bhadkau coverage se bachne ki hidayat di. Adhikariyon ne bataya ki saamprdaayik hinsa ki ashanka ke chalte karfyu lagayaa gaya hai. Loudspeaker par karfyu laagu hone ki ghoshna hone ke baad bhi pradarshankaari laute nahin, khastaur se puraane shahar mein. Jammu ke police upaayukt Ramesh Kumar ne batayaa, ‘Humne ehatiyaati kadam ke taur par jammu shahar mein karfyu laagu kar diya hai.’
Pulwama Terrorist Attack: Adhikaariyon ke anusaar, jammu shahar puri tarah band hai aur roads par koi vaahan nahin hai. Sabhi dukaane aur bazar band hain. Jammu shahar mein jyul chauk, puraani mandi, rehaari, shaktinagar, pakkaa dangaa, jaanipur, gandhinagar aur bakshinagar samet darjnon sthano par logon ne pakistan ke virodh mein sadkon par utarakar pradarshan kiya. Kuch khabron ke mutaabik, gujjar nagar elaake mein jhadpe huin aur pathraav ke kaaran kuch vaahan kshatigrast huye.
Halanki Jammu & Kashmir ki police ne kaarrvayi karte huye badi jhadap hone se rok di. Khabron ke anusaar, pakistan virodhi, aatankvaadi virodhi naare lagate huye pradarshankaariyon ne kayi sadkon par tyre phunke. Prdarshankaariyon ne badle ki maang karte huye roads ko avaruddh kar diya. Bajrang dal, Shivsena aur dogra front ki aguwayi mein logon ne shahar mein candle march nikalaa aur pakistan virodhi pradarshan kiya. yhan yah bhi dhayan rahe ki yah terorist attack Rebulic day 2019 ke theek 19 days baad kiya gya hai.
Pulwama Terrorist Attack: Jammu Bar Sangh ne courts ne Kaam nahi kiya.
Jammu chembar auph kamars end endastri (jesisiaai) ne thursday ko Kashmir terrorist attack ka virodh karte huye jammu mein band ka aahvaan kiya thaa. Pulvama hamle kaa virodh karte huye jammu kashmir uchch nyaayalay bar sangh ne uchch nyaayaalay aur adhikariyo samet jammu mein sabhi courts mein kaam sthagit kar diya. Bar sangh, jammu ke adhyaksh Bias Salathiya ne kaha, ‘Pulvaamaa hamle mein CRPF Jawans (soldiers) ki shahadat ke sammaan mein aur shok santaap parivaaron ke prati ekajuttaa evam sanvednaa jataane ke liye sangh ne kamkaaj sthagit kar diyaa hai.’
South kashmir mein mobile internet band.
Srinagar mein internet ki speed 2G se bhi kam kar di gyi hai. Pulwama Terrorist attack ke baad south kashmir mein mobile internet seva thursday ko band kar di gayi jabaki srinagar mein data speed ko ghatakar 2G star ka kar diya gaya. Adhikaariyon ne yeh jaankaari di. Adhikaariyon ne kaha ki kaanun-vyavasthaa ko banaye rakhne ke liye aihatiyaati upaay ke taur par south kashmir mein mobile internet seva sthagit kar di gayi hai.
Unhonne kaha ki es baat ki aashankaa hai ki gadbadi felane ke liye social media ka galat istemaal kiya jaa sakta hai. Pulvama jile mein crpf ke kafile mein apni visphotak se bhari gaadi takraane vaale aatmghaati hamlaavar ka ek video ghaati men social media par kafi viral kiya jaa raha hai. Khuphiya adhikaariyon ne aashankaa jatayi hai ki es video ke prsaar se raashtr virodhi takton ko gadabadi failane mein madad mil sakti hai. Shahar mein internet ki speed 2G se kam ki ho jaane se video saajhaa karne men pareshaani hogi.
Pulwama Terrorist Attack ke baad India ne Pakistan se ‘Most Fovered Nation’ ka darja vapas liya.
Jammu Kashmir ke pulwama mein thursday ko huye terrorist attack ke baad india ne pakistan se ‘most favoured nation’ kaa darjaa vapas le liyaa hai. Friday subah suraksha maamlon ki mantrimandliye samiti (CSS) ki baithak ke baad Finance Minister Arun Jaitely ne media ko yeh jankaari di. CSS ki baithak srinagar-jammu raashtriy rajmarg par pulvama jile meIn suraksha balon par aatankvaadi hamle ke baad bulaai gayi thi, jismeIn 42 Central Reserve Police Force (CRPF) ke jawans mare gaye hain.
Delhi pahucha CRPF ke jawano ka parthiv sharir and PM Narendra Modi bhi Pahuche New Delhi Ke Palam Airport.
AAj hmare CRPF shaheed jawano ka parthiv sharir delhi pahucha ttha PM shri Narendra Modi sahet kayi vipakshi neta bhi kadi surksha ke tahat New Delhi ke palam airport pahuch tha shaheed jawano ko shradhanjali apit ki.
Kya hai Most Favoured Nation ka darjaa?
Most Favoured Nation (MNF) darja milne vaale desh ko vyapaar sambandhi suvidhaayen mil jaati hain. Vyaapaar sambandhi faydon ka matalab kam kimten aur aayaat ko badhavaa dene vale kadam hota hai. World Trade Organisation (WTO) ke sadasye desh aapas mein ek dusre ko MNF ka darjaa de sakte hain. Eske tahat antarashtriy vyapaar niymon ka paalan karna hotaa hai aur aam dhaarnaa ye hai ki aarthik rup se thode kamjor desho ki arthavyavasthaa ko esse laabh pahunch saktaa hai.
Antarraashtriye baazaar ke mukt vyaapaar kshetr, aabkaari sangh aur saajhaa bazaaron ko MNF pravdhaanon se chhut di gayi hai. ABP News ke anusaar, WTO banne ke saal bhar baad bhaaat ne paakistaan ko 1996 mein MNF kaa darjaa diya thaa. Lekin pakistan ne india ko kabhi MNF ka darja nahin diya.
CSS ki baithak ke baad Arun Jaitely ne kaha ki videsh mantralay antarraashtriy manch par pakistan ko purn rup se alag-thalag karne ke liye raajanayik kadam uthayega.
Arun Jaitely ne kaha, ‘Jo log jimmedaar hain aur terrorist ke es kriaty ka samarthan karte hain, unhen ske liye bhaari kimat chukaani hogi.’ CSS ki baithak Prime Minister Narendra Modi ki adhyakshtaa mein hui, jismein Defence Minister Nirmla Sitaraman aur finance minister arun jaitely shaamil the.
Baithak ke baad prime minister narendra modi ne kaha, ‘main pulvama hamle mein apni jan gavaane vaale sainiko ko shraddhanjali deta hun. Humare suraksha balon ko puri aajadi di gayi hai. Hume unki bahaduri par pura bharosaa hai.’
PM Modi ne kaha ki terrorist ke es Pulwama Terrorist Attack ke pichhe ki taakten aur eske liye jimmedaar logon ko nishchit roop se dandit kiya jayegaa.
Modi ji ne aage kaha, ‘agar humara padosi, jo duniya mein puri tarah se alag-thalag hai, vah sochtaa hai ki vo bharat ko apni ranniti aur saajishon ke maadhyam se asthir kar saktaa hai, to yah ek badi galti hai.’
Thursday ko ek byaan mein videsh mantralaya ne maang ki ki pakistan terrorist samuhon ko apne kshetr se kaam karne ki anumati de raha hai. Iske alawaa sanyukt raashtr se jaish-aye-mohammad ke pramukh masood ajhar ko ek naamit terrorist ke rup mein suchibaddh karne ka bhi aagrah kiya. Gyaat ho ki jaish-aye-mohammad ne video jaari kar hamle ki jimmedari li hai.
Pakistan ne bhi apna byaan jaari kar hamle ke pichhe pakistan kaa haath hone ka khandan kiya hai. America videsh vibhaag ne apne nagarikon ke liye ek yaatraa paraamarsh (Advisory) jaari kiya hai jismein logon se terrorism ke karan pakistan ki yaatra par punarvichaar karne ko kaha gaya hai.
Wahi aaj Home Minister Rajnath Singh Pulwama Pulwama Terrorist Attack me shahid jawano ko bhavpurn shradhanjali ke sath sath unhe kandha bhi diya. Iske baad Rajnath Singh ghayal jawano se hospital me mile or unse pucha ki yeh attack kaise hua.
Leave a Reply